Rreth 4,000 njerëz u evakuuan muajin e kaluar nga Grindavik, një qytet peshkimi rreth 4 km larg një llave të madhe vullkani. Një tjetër shpërthim vullkani filloi në veri të qytetit në orën 22:17 me orën lokale të hënën, tha Zyra Islandeze Met.
Një banore që jeton pranë Grindavik përshkroi skena të çmendura dhe të frikshme atë natë dhe tha se ajo ende mund të shihte vullkanin duke shpërthyer. Islanda është përgatitur për aktivitet vullkanik prej javësh. Që nga fundi i tetorit, rajoni rreth kryeqytetit Reykjavik ka përjetuar një rritje të aktivitetit të tërmeteve. Shpërthimi mund të shihet nga Reykjaviku, i cili është rreth 42 km në veri-lindje të Grindavik. Një dëshmitar okular në kryeqytet islandez i tha BBC-së se gjysma e qiellit në drejtim të qytetit ishte ndriçuar në të kuqe nga shpërthimi dhe tymi mund të shihej duke u ngritur në ajër.
Ekspertët thonë se nuk presin që shpërthimi të sjellë të njëjtin nivel alarmi si ai që ndodhi diku tjetër në Islandë në vitin 2010, i cili ndaloi udhëtimin ajror evropian. Zyra Islandeze Met tha në mesditë të martën se fuqia e shpërthimit po zvogëlohej, por gazrat nga vullkani mund të ndihen ende në Reykjavik, të martën në mbrëmje ose të mërkurën në mëngjes.
Aoalheiour Halldorsdottir, e cila jeton në Sandgeroi – rreth 20 km larg Grindavik – tha se e kishte parë shpërthimin nga shtëpia e saj. “Ishte çmenduri ta shihja me sytë e mi. Ne kemi pasur shpërthime vullkani më parë, por kjo ishte hera e parë që u frikësova shumë”, tha ajo për BBC News.
“Ne jemi mësuar me vullkanet që shpërthejnë, por kjo ishte çmenduri”, shtoi gruaja. Ajo tha se kishte një panik të hënën mbrëma dhe se kishte blerë furnizime shtesë me ujë, por që gjërat ishin kthyer në normalitet të martën. “Unë jam në punë tani, dhe ende mund ta shoh vullkanin. Unë mund të shoh dritat në qiell”, tha ajo.
Hans Vera u evakuua nga Grindavik muajin e kaluar, por shpresonte që përpara shpërthimit të së hënës të kthehej në shtëpi për Krishtlindje. Por ai tha: “Unë nuk shoh mundësi që në të ardhmen ata do t’i lënë njerëzit të afrohen me Grindavik”, shkroi Ministri i Jashtëm i Islandës, Bjarni Benediktsson në X. Ai shtoi se nuk ka ndërprerje në fluturimet për dhe nga Islanda dhe korridoret ndërkombëtare të fluturimeve mbeten të hapura.
“Stërkalat e llavës janë mjaft të larta, kështu që duket të jetë një shpërthim i fuqishëm në fillim,” tha ai. Hallgrimur Indrioason, një reporter për Shërbimin Kombëtar të Transmetimit Islandez (RUV), tha se shpërthimi mund të shihej dhjetëra kilometra larg në Reykjavik dhe e përshkroi pamjen si mjaft spektakolare e të frikshme njëkohësisht. Pamjet e publikuara në mediat ndërkombëtare flasin më tepër se fjalët. Vullkani po përshkron sipërfaqe të tëra të shtetit verior europian.
