Përplasje mes Ismailit dhe Spitopalit? Peleshi nga Maliqi: Nuk ka përçarje në PS, thashetheme politike

Nga Maliqi, kreu i Kuvendit rrëzoi dyshimet për një përçarje të mundshme brenda socialistëve, duke i cilësuar ato si thashetheme politike. Peleshi theksoi se në mbledhje ka pasur diskutime që kanë zgjatur me orë të tëra, duke i konsideruar si të shëndetshme për frymën e brendshme të partisë.

“Nëse i referoheni thashethemeve, unë nuk mund të komentoj thashetheme pa substancë politike. Nuk di ç’do të thotë përçarje. Natyrisht ka diskutime. Orë të gjata diskutimi kemi pasur dje dhe kjo besoj është e shëndetshme. Natyrisht që s’mund të quhet përçarje diskutimi. Ne nuk jemi një formacion ushtarak pa mendime dhe pa frymë diskutimi dhe pa demokraci të brendshme, por mendoj që ju i referoheni disa thashethemeve të cilat s’kanë lidhje fare me substancën politike të zhvillimeve të brendshme të një partie politike. Këto janë thashetheme pa asnjë kontekst politik,” – tha Peleshi.