Xhakomo Vrioni ka nisur të aktivizohet si zëvendësues në radhët e skuadrës së Çezenës, të cilës iu bashkua gjatë merkatos dimërore, pasi i dha fund aventurës së tij në MLS.
Sulmuesi zbriti edhe sot në fushën e lojës në ndeshjen kundër Venecias, skuadrës që po dominon Serinë B në këtë edicion. I aktivizuar në minutën e 67-të, atij u deshën pak më shumë se 10 minuta në fushë që të gjente rrugën e rrjetës, kur pas një kundërsulmi të shpejtë lëshoi një goditje mjeshtërore që përfundoi në rrjetë poshtë trekëndëshit.
SHIH VIDEON
Por për afatin e tij të keq, sulmuesi kishte qenë në pozicion jashtë loje në momentin e nisjes së pasimit dhe goli u anulua nga vijërojtësi e më pas edhe VAR-i që konfirmoi këtë vendim, duke i hequr mundësinë Vrionit që të festonte golin e tij të parë pas kthimit në Itali.
