Dinamo dhe Flamurtari kanë barazuar në ndeshjen e vlefshme për javën e 24-t të “Abissnet Superiore”. Sfida e zhvilluar në stadiumin “Elbasan Arena”, përfundoi me shifrat 1-1.
Golin e parë e shënuan vlonjatët me anë të Bolzan, i cili tundi rrjetën nga penalltia. Në krahun tjetër, për golin e barazimit te dinamovitët mendoi kapiteni Bruno Dita, i cili shënoi në minutën e 3-të shtesë të pjesës së parë.
Kështu, “djemtë” e Ilir Dajës shkojnë në kuotën e 36 pikëve dhe mbeten në vendin e 4-t. Në krahun tjetër me 20 pikë të grumbulluara, Flamurtari mban vendin e 9-të, pra të parafundit.
GOLAT:
19′ GOL FLAMURTARI! Shënon Bolzan (Dinamo 0-1 Flamurtari)
45+3′ GOL DINAMO! Shënon Bruno Dita (Dinamo 1-1 Flamurtari)
