Egzon Belica nuk do të jetë më pjesë e Shkëndijës së Tetovës. Pas 1 viti, mbrojtësi strugan dhe klubi kuqezi kanë vendosur që të ndërpresin bashkëpunimin mes tyre, disi në mënyrë të papritur.
“Mbrojtësi strugan Egzon Belica nuk do të jetë pjesë e kuqezinjëve në vazhdim të sezonit. Shkëndija falënderon lojtarin për kontributin dhe profesionalizmin e treguar në fanellën kuqezi”, shkruan klubi tetovar.
Kujtojmë se 35-vjeçari është një emër i njohur edhe në Shqipëri, pasi ka luajtur me Besën dhe Partizanin. Madje tek këta të fundit ka mbajtur edhe shiritin e kapitenit, teksa është shpallur kampion në sezonin 2018/2019.
