Klubi i Partizanit ka njoftuar para disa minutash rinovimin me mbrojtësin e djathtë Marjus Kola. Bashkëpunimi mes palëve do të vijoi deri në verën e vitit 2027-të. Te “Demat e Kuq”, Kola konsiderohet lojtar premtues.
Gjatë këtij sezoni, 24-vjeçari ka zhvilluar 7 paraqitje në Superiore, ndërsa në sfidat e fundit po fiton pozitë të rëndësishme, madje edhe si titullar.
Edhe pse ka profil natyral si mbrojtës i djathtë, Marjus Kola mbulon të gjithë linjën e djathtë, pra edhe si mesfushor apo sulmues krahu.
Kjo larmishmëri në repertorin e tiranasit, krijon edhe idenë e “xholit” për ekipin, duke i dhënë më shumë opsione trajnerit Kërnaja. Kola erdhi te Partizani nga “blutë” e Erzenit në verën e vitit 2025-të.
