Tirana vazhdon të jetë aktive në këtë merkato, duke ia plotësuar kërkesat trajnerit Dean Klafuric. Së fundmi, në gjirin e bardhebluve i është bashkuar qendërmbrojtësi Patrick Stanic.
25-vjeçari i prezantuar në rrjetet sociale, ka një eksperiencë tejet të pasur në “portofolin” e tij, pasi më herët ka qenë pjesë e klubeve kroate si NK Zrinski Osjecko 1664, NK Osijek II dhe HNK Cibalia. Së fundmi, shtatlarti i mbrojtjes ishte te NK Siroki Brijeg.
Kështu, drejtuesit e klubit i vënë “kapakun” repartin difensiv, duke përfituar shërbimet e një futbollisti që garanton siguri. Në të njëjtën ditë, kujtojmë, tek Tirana u prezantuan edhe tre futbollistë që vijnë nga akademia dhe që sezonin 2026/27 do të inkuadrohen në ekipin e parë.
