Flamurtari dhe Egnatia do të përballen këtë të premte në kuadër të javës së 23-të të “Abissnet Superiore”. Sfida që do të zhvillohet në stadiumin e Vlorës, nis në orën 19:00.
Një duel mjaft interesant, duke ditur që rrogozhinasit luajnë për pikë kreu, ndërsa vlonjatët duan shkëputjen nga zona e ftohtë. Megjithatë, Egnatia është favorite edhe për një tjetër shkak.
Në 4 ndeshjet e fundit mes këtyre dy ekipeve, kampionët kanë fituar 3 prej tyre. Në krahun tjetër, Flamurtari ka triumfuar vetëm 1 herë, duke e bërë “makth” duelin me rrogozhinasit.
