Trajneri i Burnley Scott Parker ndodhet në momentin më të vështirë që kur e ka marrë drejtimin e skuadrës. Ata kanë 6 humbje radhazi në Premier League dhe një tjetër disfatë nesër kundër Fulham në shtëpi mund të rezultojë “fatale” për fatet e Parker.
Mediumi anglez “Burnley Express” ka hedhur më shumë “dritë” rreth formacionit që do jetë titullar karshi Fulahm, aty ku në majë të sulmit gjendet emri i Armando Brojës.
Në bazë të kësaj “tabloje”, trajneri Scott Parker i ka “varur” shpresat te lojtari i Kombëtares, pavarësisht “hendekut” të krijuar mes palëve në këtë sezon dhe jo më te Flemming.
Duket se paraqitja e mirë nga 24-vjeçari shqiptar kundër Newcastle gjatë javës së kaluar ka dhënë efekt. Pas 15 sfidash në Premier League, Burnley pozicionohet i parafundit në tabelë me 10 pikë.
