Një aksident i rëndë ka ndodhur mbrëmjen e sotme në afërsi të fshatit Tapizë në aksin Fushë-Krujë Tiranë.
Makina tip “Benz” ka përplasur babain dhe djalin 4-vjeçar, duke i shkaktuar vdekjen fëmijës së mitur.
“Më datë 06.01.2024, në rrugën Fushë Krujë-Tiranë, në fshatin Tapizë, mjeti tip “Benz”, me drejtues shtetasin E. B., ka aksidentuar shtetasin V. B., dhe fëmijën e tij të mitur 4 vjeç. Si pasojë e dëmtimeve të marra nga aksidenti, 4-vjeçari ka ndërruar jetë në spital”, bën me dije policia.
Drejtuesi i automjetit është shoqëruar në Polici për veprime të mëtejshme procedurale. Grupi hetimor po punon për sqarimin e rrethanave të aksidentit.
