Skuadra e Partizanit mori një fitore të “çmendur” ndaj Teutës në transfertë. Edhe pse “Demat e Kuq” e mbyllën pjesën e parë në disavantazh të dyfishtë, kryeqytetasit u “zgjuan” në fraksionin e dytë dhe “ç’montuan” Teutën e Enkeleid Dobit, duke përmbysur rezultatin nga 0 – 2 në 3 – 2.
Sulmuesi kolumbian Diego Contreras debutoi me dy golat të shënuar dhe karton të kuq, ndërsa Rrok Toma shënoi golin e fitores. Contreras ka reaguar në rrjetet sociale pas sigurimit të 3 pikëve për Partizanin:
“Lavdi dhe nder i takon Zotit. I lumtur për debutimin tim dhe për 2 golat, por mbi të gjitha i lumtur sepse arrita ta ndihmoj ekipin tim të marrë një fitore. Kjo është për të gjithë ekipin. Le të shkojmë për më shumë! Hajde Partizani”.
