Kryeministri Edi Rama ironizoi teksa po fliste për përmbytjet që prekën javë më parë Shqipërinë por edhe vende të tjera të rajonit, të cilat kanë shkaktuar problematika të shumta.
Në një takime fermerët në Divjakë për Skemën Kombëtare 2026, kryeministri u shpreh se kur vendet e tjera preken nga moti i keq dhe ka përmbytje, e lidhin me fatkeqësinë natyrore ndërsa në Shqipëri, kur ndodh një gjë e tillë, theksojnë se fajin e ka qeveria.
“Ra shiu nuk ra shiu, erdhi breshëri apo uji. Historia e planetit ka ndryshuar. Po shikoja dje se çfarë ka bërë uji në jugun e Italisë ishte e tmerrshme, ishin çarë rrugët e kodrat dhe një qytet i tërë atje janë mbledhur dhe nuk di e ça të bëjnë se po bie. Kjo është historia e ndryshimeve klimatike.
Ne nuk bëjmë përjashtim nga kjo pavarësisht se jemi tipa të çuditshëm. Kur e shohim përmbytjen në Itali, Greqi, Mal të Zi e RMV na duket si diçka që e sjell natyra por kur e shohim këtu që e sjell qeveria.”, theksoi Rama.
