Mesfushori i Kombëtares Juljan Shehu ka nisur përgatitjet për gjysmën e dytë të sezonit me ekipin polaka Widzew Lodz.
Në një “story” të radhës në “Instagram”, 27-vjeçari shihet duke u stërvitur me intesitet, tregues se i ka lënë pas pushimet dhe është gati për të treguar versionin më të mirë, jo vetëm te skuadra polake, por edhe të Shqipëria gjatë fazës “play-off” për “Botërorin 2026”.
Në Ekstraklasa (liga polake), Shehu numëron 4 gola dhe 4 asiste në 17 prezenca. Ndeshja e parë për 2026-ën e Widzew Lodz është sot ndaj U.Cluj, miqësore, kurse takimi zyrtar përkon me datën 31 janar karshi Jagiellonia, kampionat.
Pas 18 javësh në elitën e futbollit të Polonisë për klube, Widzew Lodz e Juljan Shehut mban pozitën e 15-të me 20 pikë, ngjitur me “zonën e ftohtë”.
