Vllaznia do të luajë një ndeshje shumë të rëndësishme ditën e sotme. Shkodranët do të presin në shtëpi Flamurtarin, duel ky që do të startojë në orën 16:30 dhe do të luhet në “Loro Boriçi”.
Një takim shumë delikat për kuqeblutë, të cilët prej 6 javësh kanë humbur “kontaktet” me 3 pikëshin. Rezultate këto që kanë zbritur shkodranët në klasifikim, ndërsa tashmë ndaj tyre kritikat janë shtuar.
Në këto kushte në Shkodër do të luajnë “all-in” vetëm për fitoren, për të mbyllur këtë vit me 3 pikë dhe për t’iu mbyllur “gojën” kritikëve për ecurinë jo të mirë të ekipit.
