Ditën e sotme janë zhvilluar 5 ndeshje të vlefshme për Kategorinë e Dytë. Një sfidë ishte në kuadër të grupi A, ndërsa katër të tjera në kuadër të grupit B të këtij kampionati.
Në grupin A, Adriatiku u “shpartallua” në shtëpi nga Erzeni, me shifrat 0-5.
Ndërkohë që në grupin B, Maliqi humbi në shtëpi 0-1 me Bylis B, ndërsa Oriku fitoi në transfertë me shifrat 3-0 përballë Delvinës.
Në krahun tjetër, Shkumbini mori një pikë me vlerë në shtëpi. Djemtë nga Peqini ia dolën që të barazonin 2-2 përballë Partizanit B, në një ndeshje mjaft të bukur. Ndërsa Devolli humbi 1-2 me Butrintin.
