Pas gati dy orësh, ish-kandidati i Partisë Demokratike për Bashkinë e Tiranës, Belind Këlliçi ka dalën nga dyert e SPAK-ut.
Në një prononcim për mediat, Belliçi tha se është pyetur për gjithçka lidhur me denoncimin e bërë ndaj tij nga avokati Idajet Beqiri. Ky i fundit e ka kallëzuar për falsifikimin e diplomës së shkollës së mesme dhe fshehjen e pasurisë së gruas.
Këlliçi zbuloi se është pyetur edhe për fotografinë me presidentin e zgjedhur të SHBA-së, Donald Trump, nëse ka paguar për të.
“Jam pyetur për pasurinë e bashkëshortes, për foton me Donald Trump, asnjë shpenzim, pyesni Trumpin. Jam pyetur për gjithçka”, u shpreh Këlliçi.
Këlliçi akuzohet në denoncimin e depozituar ndaj tij se ka fshehur pasurinë e bashkëshortes në deklaratën e pasurisë si kandidat për kryebashkiak.
Këlliçi pretendoi se denoncimi ndaj tij është bërë si hakmarrje për denoncimet që ai ka bërë ndaj kryebashkiakut të Tiranës, Erion Veliaj.
