Anëtari i Këshillit Kombëtar të Partisë Demokratike, Ilir Alimehmeti, ka shpjeguar arsyet e mungesës së tij në protestën e zhvilluar para Kryeministrisë nga PD pasditen e së hënës. Alimehmeti sqaroi se Këshilli Kombëtar nuk ishte thirrur dhe nuk ishte konsultuar për këtë nismë.
Ai theksoi se aktiviteti i së martës nuk kishte karakter proteste: “U la një mundësi për të folur deputetët, të cilët, me sa duket, hasin vështirësi të mëdha brenda Parlamentit. Nuk mund të quhet protestë.” Sipas tij, formati i foltores pritet të zhvillohet çdo javë dhe nuk përbën një reagim të mirëfilltë politik.
Ai gjithashtu theksoi se partia ka nevojë për analiza serioze për zgjedhjet, të cilat OSBE/ODIHR i ka cilësuar të pabarabarta.
Alimehmeti deklaroi se protesta e madhe kombëtare do të lajmërohet javët në vijim: “Presim javën tjetër për më shumë.”
