Skuadra e Flamurtarit e nisi këtë sezon me pretendime në “piedestal”, e shoqëruar me blerje të “bujshme” në “letër”. Ka kaluar gjysma e edicionit 2025-2026 dhe vlonjatët mbajnë vendin e parafundit në tabelë me 14 pikë, përkohësisht të rënë nga Superiorja.
Kalendari i muajt janar do të jetë shumë i rëndësishëm për ekipin e trajnerit Francesco Moriero. Ata luajnë fillimisht kundër Elbasanit në transfertë, për të vijuar me 3 “finalet” e mbijetesës, konkretisht karshi Bylisit në 18 janar (shtëpi), me Tiranën në 24 janar (transfertë) dhe e mbyllin janarin kundër Vorës (transfertë).
Përfundimet e këtyre duleve do të japin një rezyme më të qartë se ku është Flamurtari i Moriero dhe sa shanse reale ka për të “mbijetuar” në elitën e futbollit shqiptar.
