Brajan Gruda po kalon një moment të mirë, teksa ka gjetur golin e dytë në Bundesligën gjermane, me fanellën e Lajpcigut. Futbollisti me origjinë shqiptare, i cili pret një ftesë nga Gjermania, e cila duket se nuk po vjen, shënoi në minutën e 17-të në sfidën ndaj Hofenheimit.
Me numrin 10 mbi shpinë, Gruda nuk fali brenda zonës, duke përshëndetur rrjetën. Për të ky ishte goli i dytë në 7 ndeshje, teksa ka regjistruar edhe një asist.
Gjasat janë të mëdha, që në rast se Gruda, nuk ftohet nga Gjermania, në vazhdim ai të vendosë për të përfaqësuar Shqipërinë, duke i dhënë fund kështu pritjes së “panzerave”. Kuqezinjtë qëndrojnë pas “derës” kur bëhet fjalë për një talent si Gruda, që bën diferencën me cilësitë e tij.
GOLI I GRUDËS: VIDEO
