Ernest Muçi ka qenë protagonisti i duelit të sotëm të Trabzonsporit ndaj Fenerbahçes, duke qenë si zakonisht një nga armët kryesore të sulmit të skuadrës së tij. Ai gjeti golin e avantazhit që në minutën e 6 të takimit, ndërsa pak më vonë, kur regjistrohej minuta e 37, iu afrua edhe një goli të dytë.
Trabzonspori fitoi një goditje dënimi ballore dhe ekzekutimi i saj iu besua pikërisht Muçit. Futbollisti harkoi me të djathtën, ndërsa një devijim në murin mbrojtës nxori nga loja portierin Ederson.
Por trajektorja e topit u ndal nga traversa, pasi sfera u përplas në të dhe pastaj doli jashtë, duke dëshpëruar jo pak tifozët e Trabzonspor të cilët shihnin skuadrën e tyre në disavantazh në ato minuta.
SHIH VIDEON
