Taulant Seferi gjeti sërish rrugën e rrjetës në Ligën e Parë turke, në triumfin 3 me 0 që skuadra e tij Bodrumspor arriti në shtëpi ndaj Serik Spor. 29-vjeçari shënoi golin e tretë që vulosi sfidën në minutën e 78-të.
Ky ishte realizimi i 12-të në 22 ndeshjet e kampionatit për Seferin, i cili gjithashtu ka dhuruar dhe 4 asiste. Në fund të sfidës, sulmuesi shqiptar u vlerësua me notën 7.3 nga faqja e specializuar e stastistikave “Sofa Score”. Falë performancës së tij pozitive, Seferi kërkon të rifitojë një vend në Kombëtaren shqiptare.
GOLI I SEFERIT: VIDEO
