Laorent Shabani është futbollisti më i ri i Partizanit. Pas largimit nga ekipi suedez, Norrkoping, sulmuesi i krahut ka vendosur që të nisë një aventurë të re në “Abissnet Superiore” me të kuqtë.
Shabani ka firmosur një kontratë 1.5-vjeçare, pra të vlefshme deri në verën e vitit 2027. Kujtojmë se në rang kombëtaresh, 26-vjeçari e nisi me Suedinë, ndërkohë që në vitin 2018 u bashkua me Shqipërinë U21, me të cilët ka dy ndeshje të luajtura.
NJOFTIMI:
Partizani njofton arritjen e marrëveshjes me Laorent Shabanin. Ish sulmuesi i ekipit tonë përfaqësues U-21 është zyrtarisht pjesë e të kuqve. 26 vjeçari ka nënshkruar një kontratë për një vit e gjysmë.
Sulmuesi krahut i prezantuar sot nga drejtorit sportiv Agim Ibraimi, është formuar si lojtar në Suedi duke luajtur shumë vite në vendin nordik ku ka spikatur me paraqitjet e tij. Shabani i bashkohet Partizanit si lojtar i lirë pasi mbylli së fundmi bashkëpunimin me ekipin e Norrkoping.
